Khuadopawi: Thalmual Innkuan-Yangon

User Rating:  / 0

Category: Thalmual

Created on Sunday, 25 October 2009 14:00

Written by Thang Thawn

Hits: 276

Dear Khuapih teng,

Pasian in ih gelnasa ommah bangin, hong thukimpih aa Yangon teeng Thalmual Innkuan in 2009 kum Khaudo Pawi pen October 24, 2009 (Saturday) ni in Capt. Pum Khan Pau (Rtd.) te inn ah nuamtak in ki bawl hi. Hunte zong biakpiakna akipan hi ci zawdeuh leh cihding omlozah dongin a nop in nuam hi. Bangmah buaina omlo in kizo siang hi.

Papi makai lam te in zong khuapih tuipih ki itna, ki khualna ding, leh Thalmual khua itna a phawkna te uh hong gen in, ciapteh ding tampi om in zak in, zong zak nop peuhmah hi. Biakpiak hun sung ah a nuai bangin hun hong la uh hi.

Hun Uk:                                                       Rev. Thawng Ngaih Khup
Khuado thugen leh lungdamkoh thugen:    Dr. Thawng Khan Pau
Deihsak Thugen te                                      Capt. Pum Khan Pau (Rtd.)
Pa Hau Khan Pau
Pasian Thungen:                                         Rev. Dong Khan Mang ( Pastor, YCC)
Lasa (solo)                                                  Tg. Suan Za Tuang M.E ( 1st year)

cih dan in a panmun tek uh hong la uh hi. Tua teng lak ah thungen te leh lasa pa in Sia Pum Khan Thang ii phuah Thalmual tualsuak khua ngaih na la hong sak ciang a za a ngai khempeuh nidang aa khua ah ih gamtat na teng ki phawk kik khuasik mul bang tho liang hi.

Capt. Pum Khan Pau in zong thu hong genna ah; " a beisa 1970 kum bawl Kawlgam galkap sungah ei Thalmual mi 10 val bangin gam leh lei ading in nasem in,ih gam mi lei ah ei khua teng a ki itna a ki khualna uh leh   Tg. Thang Khan Cin(s/o Kham Khaw Gin & Don Niangh) in gam leh minam ading in a nuntakna apia galkap hang khat ih om lam" cih te kipan ama tuahkhak thu te hong gen kik in zaknop mahmah mai hi.

Hih Khaudo pawi pen nek leh dawn te sangin kum khat aa khuapih tanau teng ki muhkhop, leh nekkhop ahih man in thupi mahmah hi. Ki pum khat ki it ki khualna ding lampi masa hi.

Ei Thalmual khua pen kamsiat na tawh nih vei thum vei bang mencim in, tua hangin ih omna zong mun tampi ah ki khen bek tham loh in, ih lungsim ngaihsutna zong hong khen, mel theih u leh nau zong hong khen hi. Ei ading in mencip a ih tuahsiatna pen midang lak ah zong Thalmual ih hihna khatvei vei bang ki zum liang hi. Hih a bei sa thu te pen mangngilh bawl in, hih te pan pilna la in, hong pai lai ding hun ah Thalmual ta teng ih omna mun mun ah ki thutuak in, ih khua ih tui khantoh nading ma a pang khawm liailiai ding ih hih lam leitung mun tuamtuam a om Thalmual tate in a thak in ih ngaihsut pha mahmah ding ki sam hi. Ei khua zun kei leng kuamah dang in hong zuun lo ding hi. Thalmual khua a zuun ding nang leh kei bek hi hang.

Pasian hehpihna tawh Thalmual ta te zong, tuipi gal leh Kawlgam Vai gam ah ki om tek a, ih om na munmun pan in ih khua kilemna ding ki pumkhat nading leh khantoh nading lampi ki pat theihna ding in pupa ngeina a hoih te zangin ih omna munmun ah mapang khawm dingin hong zawn nuam ing. Nidang ciangin Internationl level tawh Thalmual Innkuan bang phuanzo in, nasep khop theih nading zong hong ngaihsut huai mahmah ta hi.

Heih, Thalmual te Hanlungciam, Lung kituak, Khangto Diam!

No teng tawh Thalmual a itkhawm leh a veeikhawm,

Thang Thawn
Yangon