Vomgiahbuk tawhkisai thuthak
/ 0
- Category: Thalmual
- Created on Tuesday, 07 July 2009 02:12
- Hits: 1038
Thalmual tate nadamciat uhhiam? Hunkhat lai-in akisiagawp Thalmual Khua pen Pasian in thupha ongpia in veengnih kisuahhi. Ihpu ihpate' hunlai-inzong veennihmah ana kisuah hi aa, Bual-lam leh Khuapi lam kici hi.
1) Vomgiahbuk lamah inn 50 teeng uh a, tai 4 leh furlong 7 agamla Zotui limci mahmah letmat 2" vang PVC pipe tawh Sia Thang Lian Khai in alaksak hi-in, tuitam in siangtho mahmah hi.
2) Pi 65x35 azai RC Biakinnpi khat Pa Gin Khan Piang te innkuan in, asi khinsa apa Gin Suan Do phawkna in honglamsak uhhi.
3) UPC pawlpite inzong biakinn lamkhinta uhhi.
4) 2010 kum Sialsawm huntawh kituak in Thalmual khangno kipawlna "Pawlnuam" kici bawlung kumawlna Thalmual (Vomgiahbuk) tungding hi. Kawlzaang aomte leh thalmual khua a te kipawlkhawm a vaihawmna ahihi. Ahizong Tualpiding kiziikkhin nailo ahihmanin muntuam gamtuam aom Thalmual tate in Tualpi ziiknadingin na hatnazahciat uhtawh manong panpihnading un kongthuum uhhi. Sanginn le Biakinnn lamnatawh khuapihte gimkisa mahmahta uh ahih main, ahunlap a Tualpi akizattheih nading Thalmual thukizaknapan huhna hongki ngenhi. Tualpi mundingpen Taakheuhnuai zaangmah hipah a, Tuithang tualpi sangin lianzaw dinghi. Kawlzang ateeng Thalmual mite'tungah huhna kingen a, Tulzathuum val kingah hi. Sumtha tawh kisem leh Tulzasawm (teng 10) beidingin kiseh hi. Hanciam takin ihhuhzawh nading Pasianin thupha hongpiaciat tahen.
5) Phildung mawtaw lampi kizo dektak ta a, Vomgiahbuk mawtaw tuntheih nading tai 4 bek kisamlai hi. 2009 July khasungin World Food te in mawtawlam hongtawhsakkikding uh a, Thalmual khua atunteh khawlding uhhi.
6) Pi 96x24 azai Sanginnpi khat Sia Thang Lian Khai in lamsak a, June 30 ni-in Myone, Let-thauh Pyne in honna neihsak hi. Khuapihte in Bawng khattawh Sanginnn lopna neihi. Kawlpi panin pawlkhat Sanghonpawi ah vapai uhhi. Vomgiahbuk ah Tan 1 pan Tan 4 sangnaupang 68 omhi. Tan 5 pan Tan 7 sangnaupang 17 omhi.
7) Thalmual Khuami khempeuh tuilak nading tuizawn (pipe) Unicef zumpi Yangon ah 2005 kumin Pa Tun Khan Kap in ama hanciamna tawh vasiau a, tukum guahtuikankhit teh Tedim hongkipuakding cihthu kizain kilungdam mahmah hi. Ih hihtheihna bangciattawh ihpianna gamlelei puahciatni, ci-in Thalmual thukizakna pan ihki hanthawn hi. Topa'n thupha hongpiaciat tahen.
