Khua Siansuahna

User Rating:  / 0

Category: Thalmual

Created on Sunday, 13 April 2008 08:00

Written by Thalmual Khua

Hits: 934

Thal Mual Khua Khuasiansuah Na
(11-13 May 2007)
Suan le Khak, Mak le Tu, Tasawn le Zawl A it avei khempeuh in ngaihsutding thutuamtuam

1. Thal Mual khuahoih nading, siansuah nading kikupna
Makaipi teng leh apankhia ahi hih anuai ateng in 17 Jan 2007 ni-in thuki kupna nei masa uhhi.
i)    Pa Do Za Kham (USA)
ii)    Pa Cin Khan Dal (Mandalay)
iii)    Pa Cin Za Tuang (Mandalay)

a) Maikum tubanghun pawlin Thal Mual khuasiansuah na neizoleng cih ngaihsutna kinei in ahun aniding ciangtan omnailo hi.

b) USA a om Thal Mual minam a it avei teng in akisam sumlepai hongvai hawmnung ci-in, Sai Do Kham in pulakna ongnei ahihman in kilungdam mahmah hi.

2. Kawlpi khua a om Thal Mual khua a it avei tengtawh kikupna
Pa Zam Khan Thang inn ah 23 Apr 2007 ni-in thuki kupna kinei kik leuleu in, hih anuai abang in thukhen satna kinei hi.
Thukhen satna
i)    Thal Mual khua ading thupha lak/ngetna, mawhsutna neihding hoihkisa kithukim hi.
ii)    Khuazang in annkuang umkhopna neihpihding hoihkisa in, kithukim hi.
iii)    Ani dingin  11-13 May 2007 nithum sung hoihkisa in kithukim hi.
iv)    Akua mapeuh in hihtheihna lamciatah pangtekding kithukim hi.

3. Pyidawtha khua a om Thal Mual khuami suan le khak tetawh kikupna
Pyidawtha ah 25 Apr 2007 ni-in thuki kupna kinei leuleu in, mimal 19 kipai hi. Hunki patnading in Pa Luai Za Thang in thungetna ongnei hi. Thal Mual khua ah kithahna thupiangte, khua tektek ah vapai-in mawhsutna neihding, thupha ngahnading leh thupha valak nading akul nathu, Takzang leh Vomgiahbuk vaiah minam nih pha a ki el kitawng in hihzah ciang atunna pen aki mudah akihua aki el sak “mi” hilo in, khanin ahihna thu tuamtuam kikum hi.
i)    Thuken satna pen Kawlpi adan mahin hoihkisa in kithukim hi.
ii)    11-13 May 2007 niciang Pyidawtha panzong anntang in thu nangen nung ci uh hi.

4. Mainuai khua a om Thal Mual khuami suan leh khak tetawh kikupna
Pa Gin Khen Pau inn ah 25 Apr 2007 ni-in thuki kupna kineito leuleu in, mimal 15 kipai hi. Pa Cin Khan Mang in thubulphuh leh Pasian in a avei saknathu honggen hi. Pa Cin Za Tuang in tulaitak Thal Mual khua ah ihten lohhang Thal Mual khua tektek ah Pu Pa mawhna, tuhun mawhna pulak in thupha ihlakding akulna thu honggen hi.
i)    Thuken satna pen Kawlpi adan mahin hoihkisa in kithukim hi.
ii)    11-13 May 2007 niciang Mainuai panzong anntang in thu nangen nung ci uh hi.

5. Sawbuazisin khua a om Thal Mual khuami suan leh khak tetawh kikupna
Sawbuazisin ah 26 Apr 2007 ni-in thuki kupna kinei leuleu in, mimal 29 kipai hi. Vekpi-in Thal Mual khua hoihkik nading, thupha ngahkik nading thungetna kinei hi. Pa Cin Khan Dal in thuki kupding te genkhia in, Thal Mual khuasiatna, avei huaina thu honggen hi. Thupha ihngahding zah ihngah lohna, ih pu ih pa khang tukhangdong in ciamsiatna ihthuakna, mawhna pulakna nei-in Pasian tungah thupha ihlakding akulzia honggen hi.
i)    Thuken satna pen Kawlpi adan mahin hoihkisa in kithukim hi.
ii)    Sawbuazisin khua Thal Mual kipawlna pan Ks.5000/- hongki helnung ci hi.
iii)    11-13 May 2007 niciang Sawbuazisin panzong anntang in thu nangen nung ci uh hi.

Tual thahna dong ongtun takciang…
Jerusalem kulh kicim mei-in a kattum mahbang in, Thal Mual khua siatna, muhtheih muhtheihloh ki el ki hazatna, kizawhdong in kithahna ongtungta hi. Thal Mual khuasiansuah na pen 2008 kumding in akisawm ahihhang in, Takzang leh Vomgiahbuk kitot kiseln leh sanggampa Pa Vung Khan Khual kithahna aki zaklailai ciangin amanlang theithei in ongki vaihawm to kik hi. Akhang akhang ki el, kitotna pen ei lepzawh ding hinawn lo in, aki tawngsak “dawi” hawlkhiatding a hi hi.
Laisiangtho:    Ept 6:12, Neh 1:3-11, Neh 9:1-3, Jonah 2:6-8, Esther 4:14-17
Thal Mual khua ah behnam (15) kipha in, behzui-in khatta kitel khia ding.
Biakna pawlpi nam (5) kipha in, tuasung pan Sia (…….) in makaih ding.
11-13 May 2007 ni khuasiansuah na ah mawhna pulak dingteng:
1)    Khuasat masa kapu kappa te’n nang anungta Pasian hongtheih khakloh hanga sepkhialh bawlkhialh mawhna
2)    Kapu kappa te un honguk kumpite alangpan khakna mawhna
3)    “Dawitai” ci-in pulnatna nasia tak tungin, khua nusia liangin lokhawng ah taikawikawi, mi 30 valbang si in tuazahtak thuaknading kabawlkhak uh mawhna
4)    Khua mencip thumvei tak ongtung nading in kabawl khak uh mawhna
5)    Galmat samat na hang gamtatsiat mawhna
6)    Guktakna, huaihamna, duhhopna hang bawlkhak mawhna
7)    Huangkek gikek a hausa zumkong kitutna mawhna
8)    Pi leh pu, pianna nu leh pa te hamsiatkhak mawhna
9)    Khua hongtung khualzin sumbawl, Pasian nasemte tung bawlsiatkhak mawhna
10)    Kumpitawh kizom tungsiah tavuan neite, Hausa tethu manlohna mawhna
11)    Numei pasal mawhna, mizi mita tung tatsiatkhak mawhna
12)    Khuakiim khuaveng tetung simmawh khakna mawhna
13)    A sisa pu leh pate guhletaang tungah tatsiatkhak mawhna
14)    Pawlpi tuamtuam biakkikhop laitak bawlsiatkhak mawhna
15)    Bum leh ai zangin misiat nading kabawl uh mawhna
16)    Mangvom mangkang tualgal thahnapan mawhna

Laisiangtho
a)    “Abot khiading, aphelding, alamding leh aphutding in zaa nang kongpia zohi hongci hi” Jer 1:9-10
b)    “Israel mite anntang in puanhampi silhin vut kibuak uh a, amaute khialhna, a pu a pa te mawhna khialhna te pulak uhhi.” Neh 9:1-2
c)    “Kamin tawh akisam kamite ki niamkhiat in thungen hen. Kamai hongzong in agitlohna te uhpan kihei uhleh akhialhna te maisak in aleitang uh ka hoihsak dinghi.” II Khang 7:14


Note: Thal Mual khuasiansuah makaite laihawm sungpan kongtei khiatsawn hi-in, khialhna leh kibat lohna aomleh keima mawhna hiding hi. By: Editor of Article