Music Solo & Music Festival Vaiding Zaksakna
- Category: Thalmual News
- Created on Tuesday, 22 November 2011 11:03
Guitarist Muang Muang leh Bass Mangpu te tum (music solo) ngai dih ni ei guai! Muang Muang (minpi Cin Sian Muang, Pa Vungh Do Thang' tapa); Mangpu (minpi Hau Cin Mang, Pu Thang Khan Langh' tu: Pa Langh Pau tapa Upen hi.)
Video na etnop leh hih VIDEO namek in.
Thalmual vontawi te Topa'n hong laamto in amun amual ah siamna nei tampi omta ih hih manin lungdam huai mahmah kasa aa Topa min kaphat hi. Hih atung aa tegel lian bang Thalmual vontawi hi'n siam thei mahmah kasa hi. Music tum bek hilo in lasiam zong tampi omta ih hih man in ka angtang mahmah hi. Tua tawh kizui in Thalmual Innkuan Malaysia min tawh hong tung ding Chinese New Year, 2012 sungin Kuala Lumpur, Malaysia ah Thalmual khangno sungpan music siam, lasa siamte' makaihna tawh Lasak Pawi (Music Festival) khat bawl ding cih geelna kinei hi. Ngimna bulpi Thalmual tate sungah ki-it kilemna, ki pumkhatna, ki maingapna hong om semsem in Pasian' piak siamna anei te thapia, pahtawi ding cih ahi hi. Tua hi'n kawlgam, India, Thai, Singapore, USA & Europe etc. lam aa om te zong hih pawipi sungah nong kihel ciat nangun itna lianpi tawh kong sam uh hi. Hunzat dan dingte, ani, amun cihte ahun zui in hong ki update toto lai ding hi.
Lungdam!
Tg. Mungtong
