Arnold te nupa kikhensuak tading
- Category: Zomi News
- Created on Monday, 04 July 2011 00:56
- Hits: 268
ZomiDaily :: Former California Governor Arnold Schwarzenegger leh azi Maria Shriver te'n Friday ni-in Los Angeles thukhenzum ah kikhensuak dingin laiphahkhin cihi. Azi in kithuhual zo mahmah kei ung ci'n genkhia hi. Los Angeles Superior Court ah kikhenna lai aphahkhin uh hi a, kum 25 akitengkhin ahi Arnold te nupa akikhen suakding hitamawk hi. Hih thuteng ong piankhiatna pen Arnold in a inntengnu uh ahi Mildred Baena tawh zawlta khat naneikhamawk ahih man ahihi. Tu in hihthu akitheih khiatpat hangin tua a zawlta bang kum 13 naphakhin zo hi.
Atungin tawmvei akikhenpak, Separate pakding cih himah taleh Arnold' zi Maria Shriver in hih zawlta neihvai tawh alungtang nalua mahmah ahih manin, anunung ciang aki khensuak, Divorce dingdong onghita hi. Arnold Schwarzenegger zong California Governor pan akhawlkhit ciangin Film lamah kizaihkikding cih gelna anei hi a, hihvaiteng tawh mipi inzong lipkhap mawkding ahih manin amailam khimkhua zingpian mahmahmawk hi. The Terminator ci'n 1984 kumpan ongkizaihkhiat tohtoh ahi Science Fiction Thriller Film te ah "I'll be back" acihzel ahih hangin, tuta bangleh "I'll be back" cizonawn melkeileh kilawm hi. Akamsia ihcidiam, amahleh amah akibawlkhial ihcizaw tam? Khangluite'n thallupsa in cilsiat acih eleh hihbangdan ahidiam? ZomiDaily
